Tesla е позната како компанија која секогаш е отворена со јавноста, а новото видео објавено на неколку профили на социјалните мрежи го докажува токму тоа. Видеото покажува како се произведува Model 3, од првата завртка до последниот детал.
Во новото видео објавено од страна на Tesla може да се види целиот производен процес во фабриката во Фремонт, каде се произведува Model 3.
Од Tesla велат дека секој еден примерок на Model 3 содржи 10.000 независни делови, од кои дел се вградуваат машински, додека останатите се монтираат рачно од страна на работниците во фабриката.
Tesla веќе подолго време се мачеше со достигнување на бројката од 5.000 произведени автомобили неделно, но откако покрај фабриката беше издигнат и огромен шатор со производна лента, бројката не само што е достигната, туку во некои недели успева и да го надмине производството од 5.000 автомобили.
Од компанијата велат дека целта за првиот квартал од новата година е да се произведе рекорден број на возила, кој ќе ги надмине досегашните бројки поставени од фабриката во Фремонт.