Четиримесечниот Спенсер Елден се појави на омотот на албумот „Nevermind“ на Нирвана, објавен на 24 септември 1991 година. Дваесет и пет години подоцна Спенсер направи реплика на омотот, во нова фотосесија со фотографот Џон Чепл за New York Post.
Спенсер бил едно од многуте бебиња кои се појавиле на снимањето, а бил одбран затоа што неговиот татко бил пријател со фотографот Кирк Видли, ангажиран на проектот.
„Моите родители ме однесоа на снимањето, ми дуваа во лице за да ме насмеат, ме ставија под вода, ме фотографираа и потоа ме извадија. Тоа е приказната зад фотографијата. Ни платија 200 долари, а сето тоа траеше 15 секунди“, вели момчето.
Денес Спенсер живее со мајка му во Лос Анџелес. Досега неколкупати има направено реплики од познатата фотографија со бебе кое плива кон јадица со пари.