Еднаш прељубник, секогаш прељубник. Мажите кои изневеруваат, секогаш ги користат истите стилизирани извинувања само за да ја задржат жената покрај себе. Ќе се обидат да ве смилуваат и да ја избегнат одговорноста, па затоа не наседнувајте кога ќе ги чуете овие изговори.
Тоа беше само секс
Глуп изговор, нели? „Само секс” и понатаму е секс, што значи дека и понатаму е неверство. Доколку на тоа додаде и „ама цело време мислев на тебе”, имате вистински експерт за прељуба.
Жал ми е
Ова всушност е точно. Жал му е… што е фатен. Да не бил фатен, веројатно ќе му било сеедно, а сосема сигурно е дека би го повторил тоа без многу грижа на совест.
Ти… и затоа го направив тоа
Мажот го претвора неверството во издувен вентил кој му бил потребен бидејќи вие сте направиле нешто што не му одговарало на него. Не ви треба таков маж.
Нема никогаш да го направам тоа повторно
Ова го користат сите кога како деца биле фатени во нешто што не смееле да го направат. Не било вистина тогаш, не е ни сега.
Таа ми се пушташе на мене
Ова е можеби најтажниот изговор од сите. Префрлувањето на вината кон жена е кукавички потег. Тој не сакал, ама таа инсистирала. Смешно. Доколку не сакал, зошто го направил тоа?
