Како и на луѓето, така и на животните постојат работи кои им одат на нерви. Можеби токму нешто такво ѝ правите на вашата мачка, а не сте свесни дека ја нервира.
1. Ги оставате сами
Иако мачките се далеку понезависни од кучињата, тоа не значи дека сакаат долго време да се сами. Кога останувате подолго на работа на враќање донесете им нешто за јадење, а дома посветете им малку време играјќи си со нив. Кога на мачките им е досадно или се тажни, тоа го манифестираат преку вршење нужда вон песокот и гризење и гребење по мебелот.
2. Им забранувате да си ги острат канџите
Умереното гребење е природна потреба кај мачките преку што оставаат свој мирис на предметот и плус си ги острат канџите. Исто така тоа им е и свој начин на истегнување. Поради овие причини не треба да им забранувате да гребат. Нормално, нема да им дозволите тоа да го прават на вашиот намештај, но ќе им обезбедите соодветна замена.
3. Гушкање и носење
Мачките не сакаат да се гушкаат, ниту пак да ги кревате и носите. Едноставно тоа им е неприродно и затоа потрудете се да не им го правите често. Тие сами ќе ви покажат дека тоа не им се допаѓа, но исто така и сами ќе ви дојдат на галење и нежност.
4. Чистота
Мачките се доста уредни животни и бидете сигурни дека нема да го користат песокот доколку не е чист.
5. Долг контакт со очи
Во животинскиот свет, доколку две единки долго се гледаат во очи, тоа е јасна порака за закана и агресија и желба за доминација. Кога гледате во вашата мачка, тоа нека биде благ поглед пропратен со повремено трепкање.
Доколку се пронајдовте во било која од овие точки, наредниот пат размислете пред тоа да ѝ го правите на вашата мачка. Читајте го нивниот говор на телото, тие најчесто јасно ќе ви покажат доколку нешто не е во ред.