Не за џабе се вели дека денот по утрото се познава. А за да го започнете денот на најдобар можен начин, некои работи би требало да ги избегнувате. Едно мало истражување спроведено помеѓу успешните жени, открива точно кои се овие работи, а денес го споделуваме со вас.
Проверување на мејлови
Нека утрото биде резервирано за опуштање и психички подготовки за тоа што ве чека. Уживајте во кафето, туширањето, слушањето музика, вежбањето, дотерувањето. Едно друго истражување открива и дека луѓето кои проверуваат мејлови пред и по работното време, преживуваат и повеќе стрес во текот на денот.
Одложување на алармот
Иако на сите ни треба уште некоја минутка сон наутро, успешните жени се слагаат во едно: ова би можело да го упропасти вашето утро, а со тоа и денот. Објаснувањето е едноставно: ваквото одложување, дури и само 15 минути, може да го исфрли вашето тело од природниот ритам, поради што целиот ден би можеле да се чувствувате поуморно.
Одлучување што да се облече
Избегнувањето да се донесе одлука рано наутро ќе ви обезбеди дополнително време, кое можете да го потрошите на опуштање. Затоа, подгответе си облека навечер. Така, денот ќе го започнете со помалку стрес.
Игнорирање на блиските и драги луѓе
Едноставно е: доколку го игнорирате мобилниот и службените мејлови, ќе имате можност наутро да им посветите повеќе време на луѓето кои ги сакате и кои ве сакаат вас: родителите, партнерот, децата, цимерката или слично. Има ли нешто подобро од ова?
Лош доручек
Иако многумина го прескокнуваат доручекот, успешните жени знаат дека ова е лошо за енергијата која ни е потребна да го оздржиме целиот ден, а која ни ја овозможува доручек полн со протеини. Исто така, доручекот може да понуди и ментална предност, бидејќи е поврзан со подобра меморија, креативност и учење.
Брзање
Повторно, составете ја листата на обврски вечерта претходно, подгответе си ги сите работи во чантата, одлучете што ќе облечете и не го одложувајте алармот. Кога ќе направите спротивно, денот го започнувате со брзање и стрес, а тоа не е добро за вашиот организам.