Доколку сакате ова лето да ги покажете вашите стомачни мускули на плажа, тоа не е невозможно со помош на овие совети од стручњаците. Важно е да имате волја и да почнете одлучно, не од утре - туку веќе од денес.
Движете се
„За почеток, доволно е со промена на здравите навики да не го чекате летото, туку да почнете веднаш, уште денес. Почнете со помалку остварливи цели. Доколку на пример не сте вежбале во теретана цела зима, вашата цел не би требало да биде вежбање шест дена во неделата. Почнете со два дена и по некое време зголемете на три или повеќе”, вели нутриционистката Леа Силберман.
Исфрлете го алкохолот
„Доколку се обидувате да изгубите повеќе килограми, една од најдобрите работи кои ќе ги направите е доколку го исфрлите алкохолот. Алкохолот додава многу калории, кои на вашата исхрана не и додаваат никаква вредност”, вели нутриционистката Натали Ризо.
Исфрлете ја храната богата со јаглехидрати пред спиење
„Јаглехидратите се складираат како масти доколку не се искористат веднаш, а навечер не трошиме многу енергија. Размислете за маратонците, што јадат ножта пред трчање? Тестенини. На маратонците им е потребна складирана енергија за да ги оптимизираат врвните перформанси. Меѓутоа, доколку следното утро не трчате маратон, нема да ви се потребни јаглехидрати. Наместо тоа, јадете протеини, посебно доколку сакате да ги намалите мастите на стомакот”, вели нутриционистката Леа Кауфман.
Победете ја надуеноста
„Избегнувајте храна и пијалоци кои предизвикуваат надуеност. Исто така, не џвакајте гуми за џвакање и избегнувајте газирани пијалоци”, вели Кауфман.
Јадете намирници богати со протеини
„При секој оброк, внимавајте да изедете барем нешто богато со протеини. Протеините не само што помагаат во градењето на мускулите, туку ве заситуваат подолго време. Ова значи дека помалку е веројатно дека ќе се прејадете подоцна во текот на денот”, вели Силберман.
Променете го начинот на вежбањето
„Обидете се со одредени основни вежби кои претходно не сте ги правеле, на пример јога или пилатес. Секогаш е добро да ја промените ритината за да го „шокирате” вашето тело кое се навикнува на еден начин на вежбање по одредено време, па затоа е добро да промените нешто”, вели Кауфман.