Седум недолжни луѓе минале два месеци во вистински затвор во САД за да видат дали можат да го преживеат бруталниот живот зад решетки. Реалното шоу „60 Days In“ се смета за едно од најбруталните телевизиски емисии што некогаш се снимени.
Шоуто било снимено во затвор во Индијана, а како изгледал нивниот живот во тие 60 дена ќе биде прикажано во документарна серија од 12 епизоди што ќе се емитуваат од идниот месец.Експлозивното искуство на лажните затвореници било снимено со помош на скриени камери, а нивниот вистински идентитет освен од затворениците, бил чуван и од чуварите во затворот.
„Сакавме да направиме шоу во кое реално се прикажува како изгледа животот во затвор, од перспектива што досега не е видена“, вели Грегори Хенри, продуцент од компанијата Lucky 8 TV.
А, од кои причини се пријавиле седумте недложни луѓе да минат 2 месеца во затвор?
Една жена била социјален работник, а целта и била да стави крај на насилството на бандите. Друг учесник бил поранешен маринец кој мислел дека тоа искуство ќе му помогне да стане агент на DEA. Еден од учесниците бил наставник кој сакал да им порача на учениците каде може да ги доведат лошите избори во животот, додека друго момче се пријавило затоа што сакало да дознае низ што минувал неговиот брат додека бил во затвор.