Специјалното јавно обвинителство (СЈО) утринава побарало притвор за осум лица вмешани во предметот за изборни нерегуларности наречен „Титаник“, прв предмет што го процесуираше новото обвинителство, соопштиja на денешната прес-конференција.
Обвинителката Фатиме Фетаи наведе неколку високи функционери од власта, кои се осомничени за вмешаност во изборни нерегуларности, но не ги наведе со име и презиме, туку само по функција.
Лицата се сомничат дека биле дел од злосторничко здружување за повреда на избирачките права, повреда на слободата на избирачите и злоупотреба на средства за финансирање на изборната кампања. Се работи за целосна криминализација на избирачкиот процес, соопшти специјалното обвинителство.
Како дел од истрагата едно лице веќе е лишено од слобода. Отворена е истрага и против 5 судии на управниот суд и 4 членови на ДИК заради злоупотреба на службената должност во 2013-та година.
Обвинителката Катица Јанева рече дека и покрај притисоците и опструкциите од страна на институциите, медиумите и политичка партија, сепак до крај ќе ги расветли криминалните дејствија.
„Правдата ќе победи. И покрај заканите јас нема да молчам, мојот тим има конкретни резултати“, рече Јанева.