Масимилијано Алегри инсистира дека Наполи е најдобриот тим во Серија А и никој не е толку добар како Лучано Спалети кога станува збор за предавање фудбал. Откри и дека во тренерскиот занает завршил сосема случајно.
Јувентус утре вечер гостува кај Наполи на стадионот „Диего Армандо Марадона“ во можеби клучниот натпревар на сезоната во Серија А. „Партенопеите“ се лидери во Калчото со 7 бодови предност пред „Бјанконерите“ и Милан и имаат само еден пораз во досегашниот тек од сезоната, оној од Интер пред недела дена.
„Тимот се чувствува добро, работевме три дена и сме сосема фит, да видиме што можеме да направиме. “, рече Алегри на денешната прес-конференција по повод утрешното дерби.
„Во фудбалот има правило“, продолжи Алегри. „Она што го правиш во игра, не значи ништо наредниот ден“.
„Треба да останеме на земја и да работиме напорно. Има многу работи што треба да ги подобриме за да ја достигнеме нашата цел, а тоа е пласман во Лигата на шампионите“.
„Треба да одиграме технички добро, играме против најдобриот тим во лигата, тоа го кажува табелата. Ќе биде убав натпревар, мора да имаме ентузијазам“.
„Наполи е фаворит за освојување на титулата, има 44 бода и само еднаш загуби. Тие се технички силни и многу добро тренирани. Лучано (Спалети, заб. на прев.) е најдобар кога станува збор за тренирање и предавање и тоа го докажува во Наполи“.
„Многу го почитувам Спалети, тој е толку смешен што понекогаш се судираме како минатата сезона. И јас сум тренер, но оваа работа ја работам случајно, требаше да работам нешто друго. Лучано е толку, толку добар, тој е најдобар кога станува збор за предавање фудбал“.
