Филмот „Alita: Battle Angel“, во режија на Роберт Родригез, го освои бокс-офисот со вкупна заработка од 27.8 односно 36.5 милиони долари на меѓународно ниво. На второто место се најде „The Lego Movie 2: The Second Part“, со заработка од 21 милиони долари.
Во продукција на Џејмс Камерон, научно-фантастичниот филм „Alita: Battle Angel“ ја следи приказната за еден доктор (Кристоф Валц) и мистериозното минато на Алита, киборг со технолошки напреден организам. Ликот на Алита го игра Роза Салазар, а во останатите улоги се појавуваат Џенифер Конели и Махершала Али.
Премиерата на „Isn’t It Romantic“ се најде на третото место, со заработка од 14 милиони долари. Римејкот на „What Men Want“ е на четвртото место со заработени 10.9 милиони долари. На петтото место се најде премиерното прикажување на „Happy Deat Day 2U“, со заработка од 9.8 милиони долари.
Ова е целосната листа:
1. Alita: Battle Angel – 27.8 милиони долари
2.The Lego Movie 2 – 21.2
3. Isn’t It Romantic – 14.2
4. What Men Want – 10.9
5. Happy Death Day 2U – 9.8
6. Cold Pursuit – 6
7. The Upside – 5.5
8. Glass – 3.8
9. The Prodigy – 3.1
10. Green Book – 2.7 милиони долари.