Американката Џенет Фајн дипломираше на 84 години на Универзитетот Тексас во Далас и го оствари нејзиниот сон, докажувајќи дека годините се само бројка.
Во интервју за Associated Press Џенет рече дека ѝ било здодевно откако се пензионирала и дека во еден момент одлучила да се врати на факултет и да дипломира на катедрата за социологија.
„Не уживав во играње бинго, како другите пензионери. Сакав да читам и да пишувам есеи. На секој час сфаќав сѐ повеќе и повеќе колку многу веќе знам и попатно научив уште многу нови работи“, вели таа.
Џенет ја искористила специјалната програма на државата Тексас што им овозможува бесплатно студирање на државните универзитети за лицата постари од 65 години.
Џенет Фајн израснала во Бронкс, Њујорк. Одај чекала да заврши средно училиште и да се вработи.
Почнала да работи кога имала 16 години, а на 18 години се омажила.
Во наредните години родила деца и сменила неколку работни места. Последните 20 години од работниот век работела како секретарка во ортопедска болница во Далас.
