Свет

Американските сили се повлекоа од Сирија и ја уништија својата база

21. октомври 2019 - 9:53 | МИА

Дамаск, 20 октомври 2019 (МИА) – Американските трупи кои се повлекоа од Сирија ја уништија својата база со пистата за воени транспортни авиони и хелиодромот во таа земја, објави денеска сириската новинска агенција Сана.

Според агенцијата, базата што се наоѓа во близина на Тел Бајдар била целосно уништена по повлекувањето на американскиот контингент.

Покрај тоа, американските трупи треба да се евакуираат од базата „Лајф Стон“ во близина на браната на Еуфрат во покраината Хасаках.

Пред неколку дена американските сили ја уништија и својата база во близина на сирискиот град Ајн ал Араб, која се наоѓа на 150 километри од Алепо. 

Коментирај