Фудбал

Андоновски нов селектор на светските шампионки во фудбал

25. октомври 2019 - 13:08 | МИА

Њујорк, 25 октомври 2019 (МИА) – Македонскиот тренер Влатко Андоновски ќе биде нов селектор на актуелниот светски првак во женски фудбал.

Откако Џил Елис најави заминување од селекцијата на САД по освојување на титулата на СП 2019, Андоновски беше апсолутен фаворит за нејзин наследник.

Како тренер во изминатите две сезони, тој го водеше Рејн во американската лига, а исто така беше на клупата на Канзас Сити, кој го одведе до две титули.

Своето деби на клупата Андоновски ќе го има на 7 ноември против Шведска, а три дена подоцна ќе ги води САД и против Костарика.

Коментирај