Успешно е завршена операцијата на зглобот на Андре Гомеш, откако фудбалерот тешко беше повреден на вчерашниот натпревар меѓу Евертон и Тотенхем на стадионот „Гудисон парк“.
Португалецот доби тешка повреда - фрактурална дислокација на зглобот - по грубиот старт врз него од страна на Сон Хјон-мин.
Евертон спаси бод дома против Тотенхем, но натпреварот остана во сенка на бизарната повреда на Гомеш.
Главниот судија прво му покажа жолт картон, но откако ги виде последиците од стартот на Сон, веднаш ја смени одлуката и му додели црвен.
Евертон се огласи по операцијата и соопшти дека Гомеш еден период ќе помине во болница, а потоа ќе продолжи со закрепнување во клубот.
Прогнозите се поволни и се очекува Гомеш целосно да заздрави.
Клубот исто така се заблагодари во име на Гомеш за поддршката и желбите за заздравување упатени кон Португалецот.