Третото продолжение од филмската франшиза продолжува да ја оправдува популарноста на првите две, како и парите вложени за неговото снимање.
Втор викенд по ред „Angel has Fallen“ владее со бокс-офисот, со заработка од 11,6 милиони долари во трите дена од продолжениот празничен викенд во САД.
Во првиот викенд од прикажувањето, заработката на „Angel has Fallen“ се совпадна со онаа на претходниот филм „London Has Fallen“ (21,6 милиони). Првиот филм во 2013 година, „Olympus Has Fallen“ дебитираше со 30,4 милиони долари.
Реакциите на публиката и критичарите за „Angel Has Fallen“ се позитивни. Во филмот, Џерард Батлер се враќа во улогата на тајниот агент Мајк Бенинг кој е наместен за напад над американскиот претседател (Морган Фримен). Во останатите улоги се појавуваат Џејда Пинкет Смит, Пајпер Перабо и Ник Нолти.
На второ место се рангираше „Good Boys“ со заработка од 9,19 милиони долари во текот на викендот, додека на трето место е „The Lion King“ на Disney со 6,7 милиони долари.
Сѐ на сѐ, заработката на бокс-офисот во Северна Америка забележа пад од 6,4 проценти, според Comscore.
