Нема да има трета титула едноподруго за Нов Зеланд откако денеска претрпе изненадувачка елиминација од Англија на Светското првенство во рагби.
Популарните „Ол Блекс“ доминираа на првенството кое се одржува во Јапонија досега победувајќи на сите натпревари пред да се соочат со Англичаните. Предводени од стратегор Еди Џонс, Англија славеше со 19:7 и се избори за прво финале по 2007 кога беа второпласирани.
За елиминацијата на Новозеланѓаните се погрижија Ману Туилаги, Овен Фарел и Џорџ Форд кои ги постигнаа поените. Англија пред четири години беше домаќин на Мундијалот, но испадна уште во фазата по групи.
Нов Зеланд беше главен фаворит за пехарот доаѓајќи на првенството како најдобро рангирана репрезентација и воедно бранител на пехарите освоени на последните два мундијала во 2015 и во 2011.
Вториот финалист ќе биде познат утре, а се среќаваат Велс и Јужна Африка.
Финалето ќе се игра наредната сабота на „Нисан“ стадионот во Јокохама.
