Повеќе од 80% од руските граѓани имаат доверба во својот претседател Владимир Путин, ги објави денеска руската државна новинска агенција ТАСС резултатите на Серускиот центар за истражување на јавното мислење.
Анкетата е спроведена од 3 до 9 октомври меѓу 1.600 испитаници на возраст над 18 години.
„На прашањето за довербата во Путин, 80,9% од испитаниците одговориле позитивно, а 75,6% од нив ја одобруваат неговата работа“, се наведува во резултатите од истражувањето.
Според тоа истражување, 41% од Русите ја поддржуваат партијата Единствена Русија.
