Поранешниот италијански фудбалер Антонио Касано потврди дека е во болница на лекување по компликации од коронавирусот.
Во последните неколку дена се чувствувал лошо и бил итно префрлен во болница во Џенова. Од болницата се наведува дека лекувањето било неопходно бидејќи нивото на кислород почнало да опаѓа под опасното ниво.
Инаку, сопругата на Касано потврди дека е вакциниран со две дози вакцина против COVID-19, со што ги прекина шпекулациите дека не бил вакциниран.
Тестовите покажале почетни знаци на воспаление на белите дробови, па му е даден антивирусен лек ремдесивир, а во последните три дена е во болница.
Неговата состојба се подобрува, а утре ќе биде пуштен од болница.
