Откако го претстави новиот iPhone 7, Apple своето внимание сега го сврте кон новата генерација на своите лаптоп и десктоп компјутери. Поминаа неколку години откако Аpple направи сериозни промени кај своите компјутери како што се MacBooks Pro и Air, Mac Mini или Mac Pro.
Bloomberg пишува дека главна ѕвезда на настанот закажан за 27 октомври, ќе биде MacBook Pro кој треба да добие нов екран над тастатурата со динамични опции за функциите кои ќе се прилагодуваат на апликацијата што се користи.
Покрај тоа The Verge пишува дека веројатно ќе бидат претставени нов MacBok Air и веројатно нов iMac.
Настанот нема да биде спектакуларен како оној за претставувањето на iPhone 7, па ќе се одржува во нивниот кампус, но сепак ќе биде многу важен за оние кои редовно користат лаптопи и десктоп компјутери со логото на Apple.
