Рускиот претседател Владимир Путин побара од Министерството за развој на Далечниот исток и Арктикот да анализира проект за изградба на сообраќаен мост.
Изгледа дека самитот помеѓу Владимир Путин и Ким Џонг Ун добро му влијаеше на рускиот претседател, па тој веќе почна да размислува за зацврстување на пријателството со оваа азиска нација.
„Новиот мост би ги поврзал рускиот регион Приморски и Северна Кореја“, изјави пратеник на рускиот претседател за Далечниот исток, Јурис Трутњев.
Според него, за тоа се разговарало за време на неодамна одржаниот самит на Путин и севернокорејскиот лидер Ким Џонг Ун, но не прецизира кога тој проект би бил готов.
Границата меѓу Руската федерација и Северна Кореја е долга 39,4 километри, од кои околу 22 км се водена граница. Тоа е воедно, и најкуса руска меѓународна граница. Двете држави се поврзани по воздушен пат и железнички мост преки реката Тумен.