Поранешниот австралиски тенисер Пет Кеш го критикуваше Роџер Федерер поради потегот на финалето на Аустралијан Опен во кое швајцарскиот тенисер го победи Рафаел Надал во пет сетови и ја освои рекордната 18-та Грен Слем титула.
Кеш смета дека медицинскиот тајм аут што на почетокот на петтиот сет го побара Федерер е некоректен потег, и спроед него тоа е „легално мамење“.
„Не застанувате на маратонот бидејќи сте уморни. Тоа е погрешно, погрешно и покрешно. Тоа е нечесно, а е дозволено. Тоа е легално мамење, и воопшто не е во ред“ - изјави Кеш за радио BBC.
Федерер по победата изјави дека правилата постојат за да се користат.
„И јас мислам дека не треба да се злоупотребуваат правилата. Сепак, јас сум тенисер кој најмалку бара тајм-аут, така што не знам за што зборува кеш“ - изјави 5-кратниот шампион на АО.
Швајцарецот изјави дека чувствувал силна болка во десната нога и дека тој проблем го имал во текот на целиот турнир, а се засилил во текот на полуфиналето со Стен Вавринка.
