Жирито гласаше и ја намали листата на номинирани на само седум кандидати.
Изборот на Автомобил на годината во Европа за 2020 се ближи кон големото финале – познати се седумте кандидати кои влегоа во последниот круг.
Од 35 номинирани кандидати жирито ги избра најдобрите седум. Услов за номинација беше автомобилот да е достапен на пет европски пазари.
„Изборот на финалисти го претставува актуелниот правец во автомобилскиот бизнис. Гледаме напредок на електрификацијата, но и највисоки стандарди кај моторите со внатрешно согорување“, рече претседателот на жирито Френк Џенсен.
И во таа насока, во најтесниот круг влегоа електричните модели Porsche Taycan и Tesla Model 3, како и Peugeot 208 кој исто така има електрична изведба.
Интересно е што овојпат нема „поплава“ од кросовери – единствениот кој се проби до финалето е Ford Puma.
Затоа, тука се славните имиња во нови изданија - BMW Series 1, Renault Clio и Toyota Corolla.
Победникот ќе биде избран во февруари, а свечено ќе биде објавен на Автосалонот во Женева на 2 март.
Лани за Автомобил на годината во Европа беше избран електричниот Jaguar I-Pace, кој исто така беше и светски автомобил на годината.
Финалисти во изборот за Автомобил на годината во Европа за 2020 се:
BMW Series 1
Ford Puma
Peugeot 208
Porsche Taycan
Renault Clio
Tesla Model 3
Toyota Corolla
