Тркачкиот двосед произведен во Ferrari далечната 57-ма година е продаден за 9.020.000 евра, речиси без ништо - автомобилот има само мотор, погон, шасија и фарови. Океј, и кожни седишта. Тоа крева цена.
Овој „гол“ тркачки автомобил со вредноста која ја постигна ги собори сите рекорди за колекционерски примерок од овој автомобил, соопшти компанијата.
Наведениот примерок на моделот 250 Testa Rossa е еден од вкупно 34-те произведени во фабриката во Маранело, а е победник на повеќе трки во Јужна и Северна Америка. Рекордот досега го држеше Ferrari 250 GT California Spider од 196, кој беше во сопственост на актерот Џејмс Кобурн, а постигна продажна цена од 7 милиони евра.
За споредба, новиот BMW 3, со клима уред, навигација, компјутер, воздушни перничиња и друга дополнителна (нова) опрема чини 300 пати помалку, односно, околу 30.000 евра. За сумата од 9 милиони евра сопственикот можел да купи уште мал милион други работи, но како што е познато, страста на колекционерите е посилна од баналната желба за репрезентација во очите на другите. И страста за поминување неброено многу часови во гаражата со својот миленик, не се плаќа со ниту едни пари :)
