Иако Apple е многу таинствен во врска со развојот на својот автомобил, според некои неофицијални извори, претставувањето на автомобилот е одложено за почетокот на следната декада.
Првичните информации беа дека Apple ќе го претстави својот автомобил во 2019 година, а најновите информации велат дека компанијата се соочува со неочекувани предизвици при развојот на автомобилот, па затоа неговото претставување ќе биде поместено за 2021 година.
Автомобилот се развива под името Project Titan, а покрај тоа што би требало да има електричен погон, ќе треба да понуди и автономно возење. Информациите засега се многу оскудни, но она што се знае е дека Apple бара локација во околината на Сан Франциско на која треба да го изгради својот погон за развој и истражување за нивниот автомобил. Кога автомобилот ќе биде готов на хартија, извесно е дека неговото производство и склопување ќе г прави компанијата Magna Steyr.
Најавите се дека Аpple ќе го избегнува проблемот со немањето развиена продажна мрежа, така што автомобилот нема да го нуди директно на купувачите, туку преку car sharing опциите. Таквата стратегија се поклопува со најавите на Тим Кук кој тврди дека наскоро ќе има големи промени во автомобилската индустирија, а го објаснува и вложувањето на милијарди долари во компанијата Didi Chuxing која е ривал на Uber.