Ф1

Батон во Абу Даби ќе ја заврши кариерата

25. ноември 2016 - 8:51 | Макфакс

Џенсон Батон, светскиот шампион од 2009 година, најави дека по трката во Абу Даби ќе се повлече од Формула 1.

„Одам кон овој викенд со мисла дека ова е мојата последна трка. Во овој момент немам желба повеќе да возам во Формула 1“, рекол возачот на Мекларен на прес конференцијата.

Во текот на сезоната Батон најави дека ќе пузира наредната година, а Мекларен го задржа правото да го врати во 2018 година. Сепак 36-годишниот Бртанец, во четвртокот, изјави дека повеќе нема да вози.

Џенсон Батон кариерата ја започна во 2000 година, а трката во недела ќе биде 305-та во неговата кариера. Повеќе трки од него имаат возено само Рубенс Барикело и Михаел Шумахер.

Во кариерата победил на 15 трки во Формула 1, а возел во Вилијамс, Бенетон, БАР, Хонда, Брон и Мекларен.

Покрај Џенсон Батон во недела својата последна трка во Формула 1 ќе ја вози и пилотот на Вилијамс, Фелипе Маса.

Коментирај