Овој хотел на Бали привлекува многу внимание поради базенот сместен на работ на карпа, на 152 метри над океанот.
Одморалиштето „The Edge Bali Resort“ во Улувату, Бали има огромен базен специјално за љубителите на авантури, бидејќи се наоѓа на самиот раб, на огромна височина.
Меѓутоа височината не е единственото нешто поради кое се издвојува овој базен, туку стакленото дно што се протега уште 6,4 метри од работ на карпата, а сѐ што ве одвојува од стрмоглав пад кон океанот е стакло дебело 9 сантиметри.
Ако соберете храброст да се искапите во овој базен, доживувањето е неспоредливо.
До базенот има и ВИП тераса, а целото одморалиште се протега на површина од 1,5 хектари каде на располагање имате уште базени, сауна, кино, играчница, винска визба, теретана и друго.
Едно ноќевање во ова одморалиште чини 745 евра.