Новороденче починало на спиење во село Истибања, виничко, соопшти МВР.
Според МВР, во куќа во с.Истибања, сопственост на К.П, во која како потстанари живееле С.Ц. и Ц.Ј. починало нивното бебе – новороденче родено на 13.01.2017 година. Екипа од ИМП од ЈЗУ- Здравствен дом – Виница излегле на местото на настанот и од извршениот лекарски преглед констатирана била смрт без траги на насилство. Од страна на увидна екипа од НК КР-Виница бил извршен увид, при што било констатирано дека во утринските часови на 18.01.2017 година од страна на таткото на починатото бебе, било забележано дека бебето не дава знаци на живот и било помодрено по телото.
По наредба на ЈО над телото на бебето ќе се врши обдукција во институтот на судска медицина.
