Објавен е нов, возбудлив трејлер за хорор-трилерот „The Belko Experiment“, чија премиера е закажана за 17 март.
Во него акцентот е поставен на морничав социјален експеримент во кој учествува група од 80 Американци, затворени во нивните канцеларии во Богота, Колумбија. Непознат глас преку разглас им наредува што да прават додека учествуваат во смртоносна игра во која убиваат или ќе бидат убиени.
Во главните улоги се појавуваат Џон Галагер Џуниор, Тони Голдвин, Гејл Бин, Мајкл Рукер, Џош Бренер и други.
