Почина лекарот кој денеска беше ранет во пукањето на универзитетската клиника во југозападен Берлина, објави полицијата неколку часа по инцидентот.
Германската полиција претходно објави дека околу 13 часот на клиниката „Бенџамин Франклин“ во берлинскиот кварт Штеглиц биле истрелани неколку куршуми. Напаѓачот, кој подоцна се самоуби, бил пациент, а на лекарот му нанел смртоносни повреди од кои овој подоцна починал, пренесува агенцијата DPA.
Таблоидот Bild објави дека пукањето се случило на четвртиот кат од болницата, на одделот за орална и максилофацијална хирургија, како и дека нема други повредени.
Засега нема информации за идентитетот ниту на жртвата, ниту на сторителот.
По четирите последователни напади минатата седмица во Германија, од кои за два одговорноста ја презема Исламската држава, во земјата владее напнатост, забележува AFP.
Полициски извори за Reuters рекле дека засега нема знаци оти пукањето во берлинската полиција е поврзан со тероризмот.