Паркирањето во Општина Центар за време на новогодишните и божикните празници ќе биде без наплата за сите граѓани, известуваат Паркинзи на Општина Центар.
„Согласно Одлуката на претпријатието, на 01.01.2024 година (понеделник) сите паркиралишта со кои стопанисува ЈП ПОЦ ќе бидат без наплата за сите граѓани. Редовната наплата за паркирање на паркиралиштата и издавање на договори во Дирекцијата на ЈП ПОЦ ќе продолжи на 02.01.2024 година (вторник) со вообичаено работно време.
За време на божикните празници на 06.01. (сабота), 07.01. (недела) и 08.01.2024 година (понеделник) сите паркиралишта со кои стопанисува ЈП Паркинзи на Општина Центар ќе бидат без наплата за граѓаните. Редовната наплата за паркирање на паркиралиштата и издавање на договори во Дирекцијата ќе продолжи на 09.01.2024 година (вторник) со вообичаено работно време“, соопштија од Паркинзи на Општина Центар.
Депото на „Пајак“ службата на ЈП ПОЦ ќе работи 24/7 за време на празниците.
