Режисерот на најновиот филм за Бетмен, Мет Ривс, конечно го најде актерот кој ќе го игра ликот на негативецот Ридлер.
Пол Дано официјално се приклучува на актерската екипа, откако Џона Хил ги прекина преговорите за улогата на негативецот во „The Batman“.
Веста следува откако беше соопштено дека Зои Кравиц ја добила улогата на Селина Кајл, односно Жената-мачка, во најновиот филм за Бетмен што ќе го режира Мет Ривс, со Роберт Патинсон како суперхеројот од Готам Сити.
Ликот на Дано во новиот филм ќе се вика Едвард Нештон. Овој лик ѝ е познат на филмската публика од филмот „Batman Forever“ од 1995 година кога го играше Џим Кери, во режија на Џоел Шумахер.
Дано неодамна беше номиниран за награда Еми за улогата во серијата „Escape at Dannemora“, а беше режисер, косценарист и продуцент на филмот „Wildlife“ од 2018 година за кој доби одлични критики.
Играл во „Love and Mercy“, „Prisoners“, „12 Years a Slave“, „There Will Be Blood“, „Little Miss Sunshine“ и други.
Подготовките за снимањето на „The Batman“, што е во продукција на Warner Bros.- DC Comics, почнаа летово, а со снимање се очекува да се почне пред крајот на годинава или во почетокот на 2020 година.
„The Batman“ ќе има кинопремиера на 25 јуни, 2021 година.
