Свет

Бил Гејтс повторно со богатство над 100 милијарди долари

19. април 2019 - 15:56 | МИА
Њујорк, 19 април 2019 (МИА) – Богатството на основачот на компанијата Microsoft, Бил Гејтс надмина 100 милијарди долари. Тоа се случува првпат од 1999 година, пишува Forbes.

– Состојбата на Бил Гејтс оваа недела ја премина границата од 100 милијарди долари. Тоа се случи благодарение на поскапувањето на акциите на Microsoft во пресрет на финансискиот извештај, кој ќе биде објавен на 24 април, се наведува во текстот на Forbes.

Акциите на Microsoft вчера достигнаа максимална вредност од 123,52 долари за акција.

Според рејтингот на милијардерите на Forbes, богатството на Гејтс се проценува на 100,61 милијарди долари. Списанието прецизира дека во април 1999 година, во екот на акциите на технолошките компании, состојбата на милијардерот изнесуваше 100 милијарди долари.

Бил Гејтс останува втор на листата на најбогати луѓе во светот по сопственикот на Amazon, Џеф Безос, кој има 152,95 милијарди долари. 

Коментирај