Живот

Бил Гејтс во борба против климатските промени: Донираше 310 милиони долари

4. октомври 2019 - 9:56 | Б.С.Б.

Основачот на Microsoft, Бил Гејтс одлучи да придонесе во борбата против климатските промени. Тој работи на книга која ќе биде придонес во борбата против климатските промени, а неговата фондација одвои 310 милиони долари како дел од помош на милиони мали фарми во светот за да се прилагодат на климатските промени.

Во книгата Гејст ќе ги изнесе неговите идеи за постигнување нулта емисии на гасови со ефект на стаклена градина низ локални, национални и глобални акции. Тој во соопштение наведе дека сака да помогне во изградба на технологија и индустрија со кои би се избегнале најсилните ефекти од климатските промени.

На самитот на ОН минатиот месец Гејтс соопшти дека неговата фондација работи со Светска банка и неколку европски влади за да се обезбедат 790 милиони долари помош на милиони мали фарми во светот со цел да се прилагодат на климатските промени. Неговата фондација за таа цел одвои 310 милиони долари. Книгата на Гејтс треба да биде издадена во јуни, наредната година.

Коментирај