Paramount Pictures го објави третиот трејлер за римејкот „Ben-Hur“, чија премиера е закажана за 19 август. Главниот фокус се одвива околу приказната за брат против брат, роб против империја.
„Ben-Hur“ е приказна за Јуда Бен Хур (Џек Хјустон), принц лажно обвинет за предавство од неговиот посвоен брат Месала (Тоби Кебел), офицер во римската војска. Лишен од титулата, одвоен од семејството и жената која ја сака (Назанин Бониади), Јуда живее како роб. По долги години на море се враќа во татковината за да се одмазди.
Режисер на филмот е Тимур Бекмамбетов, а главните улоги ги толкуваат Џек Хјустон, Тоби Кебел, Морган Фримен, Родриго Санторо, Назанин Бониади, Ајелет Зурер и други.
Ова ќе биде четврта филмска адаптација на книгата „Ben-Hur: A Tale of the Christ“на Лу Валас.
