Бизнис

Биткоинот се враќа на сцена - двоцифрен раст на вредноста за 24 часа

3. април 2019 - 12:30 | МИА

Вредноста на биткоинот во изминативе 24 часа забележа раст од 15 проценти, што според аналитичарите е резултат на зголемениот ентузијазам на инвеститорите.

Биткоинот синоќа во еден момент достигна вредност од 5.000 американски долари, што претставуваше негово највисоко ниво од ноември минатата година, по што се стабилизира на 4.761 долар.

Толкав раст на биткоинот во текот на еден ден не е забележан повеќе од една година.

Покрај биткоинот, раст на вредноста забележаа и останатите криптовалути. Така, етереумот достигна вредност од 153 долари, што претставува раст од 8 отсто за еден ден, а лајткоинот порасна за 13 проценти на 68 долари.

Вкупната пазарна капитализација на виртуелните валути за само еден ден порасна за 19 милијарди долари на речиси 163 милијарди.

Коментирај