Американскиот претседател Доналд Трамп предизвика бурни реакции на социјалните мрежи поради неговите прашања упатени до добитничката на Нобелова награда за мир, Надја Мурад.
Мурад е активистика од Ирак, припадничка на народот Јазиди. Додека разговараше со Трамп, таа му кажа дека нејзината мајка и шесте браќа се мртви. А, тој ја праша: „Каде се сега тие?“
Таа му објасни дека се убиени и се закопани во масовна гробница во Синџар и го замоли Трамп да помогне во преговорите меѓу курдските власти и ирачките власти за областа во која живее нејзиниот народ, да биде безбедна за живеење.
Снимката од овој разговор страна вирална. Надја Мурад е жена која беше сексуална робинка заробена од Исламска држава. Терористите ја мачеле и силувале, но по бегството таа успеа да стане симбол на слободата.
Во обраќањето до Трамп таа му рече дека иако Исламска држава не се веќе во Ирак, крудските и ирачките власти војуваат околу контролата над областа каде живее нејзиниот народ и го повика да интервенира.
„Но ИСИС си отидоа“, кратко вели Трамп.
Мурад му објасни дека ИСИС ги убиле нејзините мајка и шест браќа.
Трамп на тоа ја прашува: „Каде се сега тие?“ Мурад му одговара: „Ги убија. Се наоѓаат во масовните гробници во Синџар.“
Но, Трамп не застана тука со бизарни прашања. Ја праша зошто добила Нобелова награда
„Бидејќи по сè што ми се случи не се откажав. Се погрижив сите да ја дознаат вистината дека ИСИС силуваа илјадници жени Јазиди. Тоа беше прв пат жена од Ирак да излезе и да проговори за тоа што се случило“.
Трамп на тоа одговори: „Навистина? Тоа беше прв пат?“
„Тоа беше за првпат“.
„Значи ти си побегнала?
Таа одговори: „Да, но сè уште ја немам мојата слободна бидејќи никој од ИСИС нема излезено пред суд“, вели Мурад.