BlackBerry во минатото имаше одлична репутација, но подемот на iPhone и моделите на Android платформата, ја нарушија неговата водечка позиција. Сега компанијата се враќа со новиот KEYone телефон кој има физичка тастатура, но има и многу работи со кои се разликува од досегашните модели на брендот.
Една од главните новини е што овој смартфон не го произведува BlackBerry, туку TCL, а втората работа е што користи Android, место оперативниот систем на компанијата.
Новиот модел на Blackberry има и алуминиумско куќиште и Gorilla Glass 4 стакло на предната страна, а под него е 4,5 инчниот LCD екран со резолуција од 1620 x 1080 пиксели. Камерата располага со 12 мегапиксели.
Една од интересните опции е можноста да се скролне текстот без да се допре екранот, исто така на секој од тастерите може да му се додаде некоја кратенка, а има и сензор за отисоци на „space“ копчето.
Телефонот функционира на Android 7.1, но го има BlackBerry DTEK безбедносниот софтвер.
Идејата на овој модел на BlackBerry, е да се задоволни барањето на луѓето кои сакаат модели со физичка тастатура, но и модерни можности и опции.
