Тој е судија на американското музичко шоу „The Voice“, пејач, текстописец, актер, но и покрај сите тие работи, луѓето го познаваат како дечкото на Гвен Стефани. Сега, магазинот „People“ му ја додели титулата „Најсекси маж на светот“.
Оваа одлука на магазинот „People“ предизвика смешни реакции кај корисниците на социјалните мрежи, но и кај самиот Шелтон.
„Изгледа ви снемуваат луѓе, па моравте некого да одберете. Мислам дека изборот барал само некој кој има симетрични пропорции“, рече Блејк Шелтон за магазинот „People“.
Тој рече дека неговата девојка, Гвен Стефани, му рекла дека треба да го прифати ова признание, со кое подоцна во животот ќе може да се пофали.
„Ми рече ‘Слушај ме, ќе се каеш до крајот на животот ако не го зграпчиш овој подарок во моментов’“, рече Шелтон за Гвен Стефани.
Единствено посмешно од неговата реакција беа реакциите кои ги имаа луѓето на социјалните мрежи. На дел од нив не им се веруваше дека „People“ го одбрале токму него, а дел од нив го искористи изборот за да се пошегува на сметка на пејачот.
Шелтон рече и дека подеднакво важна работа е тоа што сега ќе може да му се пофали на својот колега од „The Voice“, Адам Левин, дека и тој има награда за најсекси маж на светот.