Авиопроизводителот Boeing издаде соопштение во кое наведува дека ширум светот се приземјени повеќе од 50 авиони, откако бил откриен дефект со крилата.
Прво австралиската авиокомпанија Qantas приземји еден од нејзините авиони Boeing 737 NG откако откри дека има „пукнатина“ кај крилата.
Педесетте авиони се приземјени како мерка на претпазливост, откако беше откриено дека има дефект кој предизвикува пукање на делот каде што крилото се спојува со трупот на авионот.
Минатиот месец, регулаторите во САД наредија вонредни проверки на сите 737 NG авиони што имаат поминато повеќе од 30.000 летови.
Оваа вест следи по сведочењето на Денис Маленбург, директорот на компанијата, пред парламентарниот одбор на САД.
„Јас сум одговорен. Две несреќи се случија во време на мојот мандат. Чувствувам одговорност за тоа што се случи“, рече тој вчера.
Двете несреќи за кои се зборуваше на сведочењето се случија со авион Boeing 737 Max 8 во период од шест месеци.
Инцидентите сериозно ја оштетија репутацијата на компанијата.
При падот на aвионот во Индонезија минатиот октомври загинаа 189 луѓе, а на Ethiopean Airlines во март загинаа сите 157 патници и членови на екипажот.