Поранешниот светски шампион во средна категорија се придружи на заедницата верници во теоријата за рамна Земја, а воедно ја обвини и НАСА дека е лажна вселенска агенција.
Пред четири години Фроч се пензионираше остварувајќи неверојатни 33 победи од 35 борби.
„Земјата е рамна, 100 посто. Не постои доказ за заобленост на Земјата, а онаа лажна вселенска агенција НАСА користи CGI слики каде сѐ е поинакво. Ги гледам и си велам: „Чекај малку, овие се како од цртан филм““, вели Фроч кој покрај победите изгледа примил доста удари во главата.
„Кога некој како Ричард Бренсон ќе отиде горе и ќе почне да организира чартер летови... и ќе може да се види Земјата и нејзините заоблености, е тек тогаш ќе верувам дека планетава е топка“, заврши 42-годишниот англиски боксер.
Воедно, Фроч верува и дека слетувањето на Месечината во 1969 година никогаш не се случило туку НАСА го има сето тоа многу убаво монтирано.