Најновиот модел на Audi навистина изгледа како автомобил кој пристигнал од иднината, или пак од некој филм со научна фантастика.
Меѓутоа, најновиот спортски електричен автомобил на Audi е овде и е подготвен за возење на патиштата, а премиерно и беше прикажан на публиката во Калифорнија.
Овде пред се треба да му се честита на Audi за упорноста и позитивниот дух. Имено, после фијаското со електричниот R98, кој е продаден во нешто помалку од 100 примероци, ретко кој очекуваше дека Audi повторно ќе се обиде.
Но, се чини дека овој автомобил сега е полн погодок. Имено, откако ќе останете во неверување после модерниот изглед на автомобилот и од внатре и од надвор, Audi ви открива дека неговото име е PB18 E-Tron.
Располага со електричен погон од 671 коњски сили, а од 0 до 100 километри на час забрзува за нешто повеќе од 2 секунди.
Батериите се со капацитет од 95 kWh, што е наводно доволно за да помине и до 500 километри без полнење.