Пејачот на ирската рок група Ју Ту, Боно Вокс престојувал во Ница за време на терористичкиот напад на Денот на Бастилја. 56-годишниот пејач бил во ресторан во близина на местото на кое Мухамед Булел го изврши масакрот при што загинаа 84 луѓе, меѓу кои и 10 деца.
Боно се наоѓал во ресторанот La Petite Maison, каде заедно со пријатели бил на вечера. Со оглед на тоа што ресторанот бил во близина на плоштадот во Ница полицијата на сите гости им наредила да ги кренат рацете во воздух. Според Ан Лор Руби, сопственичка на ресторанот, Боно постапил според наредбата, како и останатите гости.
Откако го препознале него и уште неколку славни личности, Вокс со пријателите и полициска придружба бил спроведен на безбедно место.
Ова е вторпат Боно да се најде во близина на терористички напад. Минатиот ноември тој и неговиот бенд вежбаа за концертот во Париз кога припадници на Исламска држава убија 89 луѓе во Батаклан, пишува британскиот Telegraph.