Вечерва во Саудиска Арабија нè очекува голем боксерски спектакл во кој во рингот ќе се соочат Френсис Нгану и Ентони Џошуа.
Вечерашната пресметка во Ријад ни гарантира само едно - еден од двајцата титани нема да го види крајот на борбата на нозе.
Тоа е борба меѓу два нокаути и ќе биде вистинско чудо доколку Нгану и Џошуа ги завршат сите десет предвидени рунди. Впрочем, името на вечерашниот настан Knockout Chaos не е случајно.
Нгану (37) е поранешен шампион на УФЦ во тешка категорија, а во неговата ММА кариера 12 од 17 победи завршија со спектакуларни нокаути.
Во досегашната единствена борба во професионалниот боксер, тој со контроверзна одлука на судиите беше поразен од веројатно најдобриот боксер на денешницата Тајсон Фјури и во текот на борбата успеа да го испрати Британецот во нокдаун.
Џошуа (34) има забележано 27 победи во 30 професионални борби, од кои 24 со нокаут, а до пред две и пол години ги држеше сите појаси во тешка категорија освен WBC, а ги загуби во борба против Украинецот Олександр Усик.
Британецот потоа беше поразен во реваншот од Усик, по што победи против Џермејн Френклин Јуниор, Роберт Хелениус и Ото Валин.
На вчерашното мерење Нгану имаше 123,6 килограми, додека Џошуа 114,5 килограми.
Џошуа е фаворит според букмејкерите, коефициентот на него е 1,35, а Нгану 3,20. За нерешено, шансите се 16.
Во борбата за ко-титула на вечерта силите ќе ги одмерат Жилеј Жанг и Џозеф Паркер, а на победникот ќе му биде доделена привремената титула WBO во тешка категорија.
Настанот во Ријад започнува во 18 часот, а Нгану и Џошуа се очекува да влезат во рингот околу 23:30 часот.
