На ексклузивна презентација во петок на 27 мај во Јавна соба (Public Room) беа претставени сите колекции на Calvin Klein за 2016 година. На уникатната презентација која ја организираа Божиновски и Calvin Klein присуствуваа само претставници на медиумите.
Во минималистички уредениот простор, во духот на Calvin Klein, беа изложени софистицираните парчиња накит и часовници на овој бренд. За време на презентацијата имавме можност за прв пат, покрај колекциите што се веќе достапни во продажба, да ги погледнеме и почувствуваме колекциите кои допрва треба да се најдат во продажба.
Најголема инспирација за колекциите се модернизмот, чистите линии и неоминимализмот. Преку својот накит и часовници, Calvin Klein нѐ носи кон природните и основни форми кои го носат исконскиот дух на брендот.
„Новата кампања на Calvin Klein нѐ повикува сите да го славиме животот сега. Бидејќи минатотото е во нашите сеќавања, иднината е во нашите планови, само сегашноста е реална. Животот е сега. Споделете ја вашата минута!“ – изјави Ана Божиновска, менаџер за бренд на компанијата Божиновски.
Од Божиновски истакнаа дека Calvin Klein не заостануваат зад трендот на лого-манијата и како must-have ја посочија колекцијата Calvin Klein Color – спој на минималистички дизајн, големо лого и неонски бои. Совршен избор за летната сезона.
Calvin Klein е еден од ретките амбасадори на швајцарските часовници во светот на модата. Со спојувањето на талентите од Calvin Klein и Swatch Групација во 1997 година, се создаде часовникот-накит кој дефинираше нов сегмент во индустријата.
Чистите минималистички линии и софистицираните дизајни ги прават Calvin Klein часовниците и накитот незаборавни, уникатни и впечатливи.
