Четири натпревари се одиграа синоќа во програмата на НБА лигата, а најквалитетната се одржа во Торонто каде домаќините Рапторс изгубија од Хјустон Рокетс со 119:109.
Џејмс Харден беше изненадувањето на вечерта, но не во онаа смисла во која би очекувале.
Првиот шутер на НБА само 11 пати целеше на противничкиот кош, погоди седумпати и заврши со скромни 23 поени, 7 скока и 3 асистенции.
Овојпат славата им припадна на сите негови соиграчи подеднакво.
Се истакна Бен Меклемор кој оствари личен рекорд од 28 поени и 8 тројки. Расел Вестбрук запиша нов трипл-дабл учинок со 19 поени, 13 скока и 11 асистенции.
Честа на домаќините ја оправдаа Паскал Сиакам со 24 поени и 9 скока и Лаури со 19 поени.
Рапторс очигледно дојдоа со тактика да ги спречат налетите на „Брадата“, но тој скромно помина синоќа и ги остави соиграчите да блеснат и тимски да ја извојуваат победата.
Резултати од синоќа:
Вашингтон – Филаделфија 119:113
Њујорк – Денвер 92:129
Торонто – Хјустон 109:119
Њу Орлеанс – Феникс 132:139.
Источна конференција
Западна конференција