Објавена е првата јавна снимка од најмоќното британско ласерско оружје DragonFire.
Во јануари оваа година, британското Министерство за одбрана изврши тестирање на ласерското оружје со долг дострел DragonFire, кое потоа успешно погоди неколку воздушни цели.
Во тоа време, DragonFire и неговиот потенцијал беа и останаа обвиткани во тајност бидејќи не беше објавено многу за него. Наведено е само дека „уредот за уништување цел е способен да погоди која било видлива цел“.
Сега на социјалните мрежи е објавено првото видео од ова ласерско оружје во акција, во кое се истакнува „моќта на ласерот кој може да пресече цели со брзина на светлината“.
Меѓутоа, кога ќе го погледнете видеото веројатно ќе се разочарате бидејќи во него нема премногу нови детали. Видлив е ласерски зрак кој уништува дрон, и тоа во лабораторија, како и вистински истрел насочен кон цел во воздух.
Многу е веројатно дека станува збор за снимка создадена преку посебен филтер и дигитално подобрен за сè да изгледа попривлечно. Но, ние секако имаме дополнителен увид во можностите на DragonFire.
