Најмалку 21 лице загинале во невремето што во неделата вечерта го зафати скопскиот регион.
Како што информираат од Министерството за внатрешни работи, до 15 часот официјално потврдени се 21 жртва, 20 се идентификувани, а едно лице е неидентификувано.
Во поплавите повредени се 22 лица, а шест се водат за исчезнати. Засега не се соопштуваат имињата на жртвите, но сите се најдени на подрачјето на селата Сингелиќ, Стајковци, Арачиново и Смилковци.
Овие села беа најпогодени од невремето, поплавени се и разрушени куќи и автомобили, а жителите се без струја.
