Елон Маск објави на Twitter дека бројот на нарачки за неодамна претставениот Cybertruck надмина 250.000.
Контроверзниот пикап е најчеста тема во последните неколку дена, откако Маск на 22 ноември лично го претстави. Покрај необичниот дизајн во фокус е и пропустот во текот на премиерата, поради кој прозорците на пикапот ненадејно испукаа.
И покрај тоа, нарачките постојано растат, пет дена подоцна бројот е поголем од 250.000. Тоа зборува многу за репутацијата на Tesla. Од друга страна, акциите паднаа за 6 проценти, по што Маск изгуби неверојатни 760 милиони долари.
Cybertruck во продажба ќе се најде во 2021 година.
