Фудбал

Цела Премиер лига на состанок за ВАР

10. ноември 2019 - 18:49 | А.С.

Судиите во англиската Премиер лига ќе бидат охрабрувани почесто да ги користат мониторите за ВАР поставени покрај терените. Ова се очекува да го каже шефот на судиите Мајк Рајли на состанокот со клубовите следната недела, објави BBC.

Претставници на 20 клубови од Премиер лигата во четврток ќе одржат состанок со Рајли во Лондон.

Причината за средбата е едноставна, иако голем е бројот на контроверзни одлуки донесени по консултирањето со ВАР.

Најголем проблем за клубовите е временскиот интервал потребен за да се донесе одлуката. Понекогаш процесот на одлучување трае и по неколку минути.

Се очекува Рајли на претставниците на клубовите да им каже декаќе ги охрабри судиите почесто да ги користат мониторите покрај теренот.

Претходно судиите беа советувани да не ги користат многу мониторите за да не траат предолго прекините во играта.

Сега проценката е дека судиите на теренот најдобро можат да ја почувствуваат атмосферата и текот на играта и дека е најдобро сами да ја донесат одлуката.

Коментирај