Челзи Клинтон, единствената ќерка на Бил и Хилари Клинтон, проговори во одбрана на 10-годишниот Трамп, кој стана мета на интернет тролови.
По само неколку дена од инаугурацијата на Доналд Трамп, Барон Трамп доби поддршка од личност која точно знае како е да се израсне во Белата куќа, под будното око на новинарите и јавноста. Токму затоа Челзи на Facebook му даде поддршка на малиот Трамп.
„Барон Трамп заслужува шанса како и секое дете – да биде дете“, напиша Челзи Клинтон на Facebook, додавајќи дека поддршката за секое дете значи спротивставување на политики кои ги повредуваат децата.
Реакцијата на Челзи доаѓа по објавувањето на суровите мемиња во кои Барон беше критикуван за неговите изрази во теркот на инаугурацијата.
Според досегашните сознанија, Барон ќе остане во Њујорк заедно со мајка му, поради обврските со училиште, а потоа ќе се преселат во Вашингтон. Кога тоа ќе се случи, Барон ќе биде првиот претседателски син кој ќе живее во Белата куќа, по синот на Џон Ф. Кенеди.
